今時今日，好多女士一提起洗頭就覺得係「大工程」，髮頭水、護髮素、髮尾油、吹乾吹順😵💫⋯⋯ 有冇人會同小編一樣有個奇怪嘅諗法：古代人冇洗頭水，護髮素等，究竟佢哋係點樣打理嘅呢🤔？
現代人鍾意乾爽，幾乎每日都會清潔1至2次，而古代人又一唔一樣？原來喺古代，無論男女都希望自己嘅頭髮較「油性」一啲😳，因為剪頭髮對古代人黎講係不孝嘅一種表現，所以每個人需要盤「髮髻」，而當時佢哋喺冇「髮泥」「髮蠟」等。為左唔好令髮絲散亂，佢哋都會抹一啲油份到頭上，保持「整潔」，真係估你唔到😆！
另外，當時古代人通常一個月先洗一次頭，而佢哋亦都十分聰明，善於從大自然中尋找可用之物進行創造替代成古代版嘅洗頭水，帶大家睇睇當時嘅「純天然洗頭水」：
1️⃣皂角
古代版嘅「番梘」，不過係純天然。遇水會產生泡泡，起到減少油漬作用，亦可以用於清潔衣物，係當時嘅「清潔萬金油」。
2️⃣洗米水
用現代嘅解釋：洗米水中含有氨基酸和蛋白質，可以被頭髮吸收變得柔順，達到又黑又「令」嘅效果。
3️⃣桑樹皮
中醫藥材其中一種，能滋潤髮質，大戶人家會煮桑樹皮嘅時候加入花瓣，清洗完會散發陣陣清香。